Dje është mbajtur ligjëratë për policët e ri të gjeneratës së 58-të të PK-së, në kuadër të aktiviteteve për ngritjen e bashkëpunimit mes policisë dhe qytetarëve, të cilët punojnë në Drejtorinë Rajonale të Policisë në Mitrovicën e Veriut, përcjell Arbresh.info.

Lajmin e ka bërë të ditur Policia e Kosovës, përmes një njoftimi në Facebook, ku thuhet se në këtë aktivitet, fokus të veçantë i është dhënë temës se “Partneriteti me qytetarë” dhe “Roli i forumeve të sigurisë” e që ndërlidhen me projektin “Patrullo dhe Bisedo”.

Zyrtarët e ri policorë janë udhëzuar që t’iu referohen këtyre pikave:

·Qasja pro-aktive e punës policore ndaj problemeve në bashkësi, sidomos në rrethanat e tensionimit;
·Zhvillimi dhe metodat e praktikave të komunikimit dhe të bashkëpunimit me pakicat, por edhe me të tjerët;
·Partneriteti me bashkësinë;
·Metodat inter-aktive të cilat mundësojnë kontaktet të drejtpërdrejta në mes zyrtarëve policorë dhe qytetarëve dhe
·Njoftimi për rolin e forumeve të sigurisë./Arbresh.info